الجوكر – ايه

1

تحميل و استماع اغنية الجوكر ايه Mp3 كامله تحميل و استماع مباشر مجانا 2019 باعلي جودة من سيرفراتنا سي دي كواليتي بدون اعلانات بوب اب

لتحميل و استماع اغنية الجوكر رسالة ايه Mp3 كامله تحميل و استماع مباشر مجانا 2019 باعلي جودة من سيرفراتنا سي دي كواليتي بدون اعلانات بوب اب يرجي الضغط علي ايقونة التحميل الموجودة فى اخر شريط تشغيل الاغنيه نفسها

كلمات اغنية الجوكر ايه 2019

كلمات : الشاعر الجوكر

الحان : الملحن مصطفى ابراهيم

توزيع موسيقي : الموزع مصطفى ابراهيم

استوديو : Studio Wave

هندسة صوت : مهندس صوت امونيوس

تاريخ الطرح الرسمي : 10‏/02‏/2019

كالعادة من الفجرية جريت اية على شغلها تبيع كام عقد فل وورد يجيبوا تمن اكلها

هي عارفة ان الساعة دي الناس بتبقى مستعجلة ياما قضت في الاشارات ساعات ع الفاضي في الوقت دة

فخدت بعضها وقعدت على باب جامعة من اللي هي ساعة ولقت بياعين بيجروا شكلها البلدية

لمت وردها وجريت دخلت شارع هادي شوية لقت عربية جاية قالت رزقي اهو في رجليا

قالتله فل يا باشا بلدي وريحته تبسط قالها تعالي علقيه وفتح الباب فركبت

حط ايده على شعرها سالها عن اسمها قالت اية سال عن سنها وقام لامس جسمها

جريت تعبت وقفت عند باب مدرسة عنيها جت على ام بتودع بنتها ومش هاين عليها

تفلت ايدها من ايديها وتبعد عنها ولو ساعات ف بصت للسما وسالتها انا ليه غير البنات

اما القاهرة تنام والشارع يفضى اية تنام كتر خير كباري بلدنا سقف للغلبان

اية بتنام بعين وعين وتصحى في عز نومها كل ما تسمع صوت رجلين تدعي يارب استرها

مرت سنة وحالة اية هي هي الحالة مقابل البقاء مش اكتر كل يوم شغالة

نص النهارده عدى على الكورنيش مجاش جنيه شافت واحد وحبيبته وقفوا بعيد جريت عليه

قالتله ورد يا بيه خد ولو وردة اهديهالها وفجاة جه في بالها هل في يوم هبقى انا مكانها

فاقت على الله يسهلك كله صحيح يا شاطرة كده معاها الف الله يسهلك النهاردة

لفت كتير لحد ما القدر رزقها ببنات على باب مطعم ادوها اكل اتبقى

وقالولها تعالي يا حلوة تتصوري معانا شكرتهم جدا على احساس انها انسانة

وجت تعدي الشارع فاتحة العلبة تاكل منها كانت عربية هتخبطها لولا واحد قام شاددها

وسالها انتي كويسة وخوفه دة مخليها مستغربة ازاي ده نفس الشخص اللي برجله مصحيها

انا وانت فينا خير بس الحياة ساعات تلهينا او تظهر اسوا ما فينا بس دة مش عذر لينا

كل طفل شوارع يستحق اكتر من نظرة حزينة يستحق دعم بدافع واجب مش فضيلة

على ضفتنا انا وانت الحرب حرب فلوس ودروع ع الضفة التانية اية وغيرها في حرب ضد الجوع

ف المرة الجاية لما تقابل اية في الاشارة راعي ان العرق بنزين ومتبقاش شرارة

اما القاهرة تنام والشارع يفضى اية تنام كتر خير كباري بلدنا سقف للغلبان

اية بتنام بعين وعين وتصحى في عز نومها كل ما تسمع صوت رجلين تدعي يارب استرها

اما القاهرة تنام والشارع يفضى اية تنام كتر خير كباري بلدنا سقف للغلبان

اية بنت 12 سنة بقالها خمسة منهم هي وكل طفل شوارع م اللي المجتمع خاذلهم

0

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *